elMa Zahir

from Al Moutarakam 2 by Edd Abbas

	/

Streaming + Download

Includes unlimited streaming via the free Bandcamp app, plus high-quality download in MP3, FLAC and more.

Purchasable with gift card

$1 USD or more
Buy the Full Digital Album

lyrics

أخدوني من كرمي، كرموني بدعوة، دبرولي تكت روحة و طنشولي عل عودة، أخدوني من كرمي، كرموني بدعوة، دبرولي تكت روحة و طنشولي عل عودة،

بلدنا مخطلط بس طائفي، ملعوب بأسفلو فسهل ينخرق من القاعدة، لو ما المخ انضرب، كان من المفترض نكون سوى عايشين على نفس القافلة
ببيروت بتشوف الكنيسة والجامع بضهرا ، بتلاقي إن ما في غير المباني يلي واقفة حد بعضها، من بعد الحرب انحد عقلنا، مع عيش المشترك انحل عقدنا، مش هلوسي، بس في بالمدينة أشباح أد ما فكرنا نستقل بالآخر صفينا أيتام، انعرضلنا نتوحد بس في ناس، أنسبلنا ما يطلع صوتنا إلا بالإنتخابات، أنا صوت إنت خبات، أنا انبلفت إنت ترقيت و ما حسنت غير بمستقبلك بلبنان، برافو عل لي استهبلك، عندك بيت بكل منطقة لأنو ما في حدا استقبلك،
من ورا هيك مساطر، تخلينا عن التواضع و تبنينا المظاهر،
صار بدنا إعادة تجميع، أد ما في جور بمبادئنا بدنا إعادة تزفيت

دايما الظاهر غير شو طامر، دايما الظاهر غير شو طامر، دايما الظاهر غير شو طامر، بتمنى من العرب يشتغلو على تخفيف المظاهر،

الوقت عم بيمرق و بعدو العطل ما تصلح، الإنسان عم بيفقد إنسانيتو فأصبح، سطحي بارد مثل البلاط بالمطبخ، مارق عليه إجرين أكتر من محطة الباص بالمنطقة،
مخربط بين الصح والغلط، نفسيا من حظو بصحته انضرب كونو كان بصحنو المرض، ماشي صح عالغلط، بإيدو ما شي عم بيطلع صح، كأنو عهل الأرض انحط بالغلط،
فتح باب بيتو لثلاث ستات، ستر على وحدة منهن و للباقين كب قرشين، كل إسبوع بتلاقي مبدل تنين اللعب عالدين منتشر ومش بس بلبنان، المؤمن بينو و بين حالو ولا بيحكي بالدين، بصراحة هون نص المتدينين متدعين، الإسلام حرم الشرب ولحم الخنزير، الإنسان عمل مصاري من ورا هل خنزير، سافر عدة مطارح تيلبي حاجته، بس تحكي بتقول هيدا مش ضاهر من حارتو، سآل معاشر و ما تسأل خبير، ولك آخ على البعض شو بوجعو الضمير،

دايما الظاهر غير شو طامر، دايما الظاهر غير شو طامر، دايما الظاهر غير شو طامر، بتمنى من العرب يشتغلو على تخفيف المظاهر