Terbeyit Sheri3 feat. Kami & Dj Goadman

from Al Moutarakam 2 by Edd Abbas

	/

Streaming + Download

Includes unlimited streaming via the free Bandcamp app, plus high-quality download in MP3, FLAC and more.

Purchasable with gift card

$1 USD or more
Buy the Full Digital Album

lyrics

إحتراما للشارع بيمشي حافي عالزفة
للفرص لاطي بضل مراقب منتبه
خطط عم تنرسم من أول ما نهارو يبتدى
وقت فراغ ما عندو حتى مع الصحاب ما بيلتهي
مثل الشبح لا بينطال لا بينكمش، ما بتشوف وجو إلا إذ ناطر بضاعة لتستلم
مولد طاقة للمناطق تنتشى، عكس حكيمك بهمو المنافض تمتلي
أعشاب بتنسيك لأيا قارة بتنتمي، صار باني إمارة من ورا الحجارة البتحترق
ما بيشفق عحدا لا بخاف لا بينعجب، ثقافة ذئب، غريزة البقاء بالفكر
داري بالأضرار بس شايف المصاري عم تندفع
و داري بالمستهلك كيف عن الواقع منفصل
عم بغزي إدمانو فصار بفضاؤ منعزل، عم بيتراجع حتى فات بصراحتو الكذب
أما هو بس ببيع ما بيتعاطة و من وقت لوقت بوكل مندوبين للم الفراطة
و أكيد الدين ممنوع و إذ في تقصير من حدا بصير الصيد مسموح
بفلت الكلاب فالأفضل بالبيت ما تكون، خدلك شي كمشة تياب ونقول ع غير مكوك
حتسب الساعة الفتت بهيك مشروع، عالشارع ما بتحتال و القوانين هيك بتقول
و هيك معظم الأغبياء بتموت، والمشكلة إن ولا قانون من هول بكتاب مكتوب
البيعرف بيعرف، و الما بيعرف حيعرف من أول ما حتفوت بهيك موضوع
ترباية الشارع، ما بتعملك رجال عالأرجح حتعملك سفاح أو دجال
بس بالنهاية مش كل العالم مثل بعضا بترجع للنفسية فمش مهم وين تربيت